ABŞ-ın keçmiş dövlət katibi Mayk Pompeo bildirib ki, Hindistanın keçmiş xarici işlər naziri Suşma Svarac 2019-cu ilin fevralına keçən gecə ona zəng edib və Pakistanın nüvə silahından istifadə ilə bağlı mümkün planları barədə xəbərdarlıq edib.
Ucnoqta.az xəbər verir ki. bu barədə çərşənbə günü "India Today" Pompeonun xatirələrinə istinadən məlumat yayıb.
"O gecəni heç vaxt unutmayacağam: Hindistan və Pakistan Kəşmirin şimal sərhədləri yaxınlığında uzunmüddətli mübahisə ilə əlaqədar bir-birini təhdid etməyə başlayanda mən Vyetnamda idim. Hanoyda məni oyandırdılar ki, hindistanlı həmkarımla danışım. O, pakistanlıların zərbə vurmaq üçün nüvə silahlarını hazırlamağa başladığını hesab edirdi” deyə Pompeo özünün “Bir addım da geriyə deyil: Sevdiyim Amerika üçün mübarizə” adlı yeni kitabında səhvən Suşma Svaraca kişi şəklində işarə edərək qeyd edib.
Onun sözlərinə görə, Yeni Dehli cavab hazırlamaq niyyətində idi, lakin o, hindistanlı nazirdən rəsmi İslamabadla danışmaq üçün ona vaxt verməsini istəyib.
Pompeo deyib ki, zəngdən sonra o, "o vaxt onunla birlikdə Hanoyda olan (Milli Təhlükəsizlik Müşaviri Con Boltonla) Boltonla işləməyə başlayıb".
Pakistanla danışıqlar zamanı məlum oldu ki, İslamabad həmin an Hindistandan da nüvə zərbəsi endirəcəyini hesab edir.
“Onların hər birini qarşı tərəfin nüvə müharibəsinə hazırlaşmadığına inandırmaq bizə bir neçə saat çəkdi”, - Pompeo yazıb.
ABŞ-ın keçmiş dövlət katibinin sözlərinə görə, dünya o an Hindistan və Pakistanın nüvə toqquşmasına nə qədər yaxın olduğunu dərk etmir.
Hindistan Xarici İşlər Nazirliyi Pompeonun açıqlamalarına hələlik münasibət bildirməyib.
Emin