Dekabrın 27-də Moskvada 60-dan çox reys gecikib və ya ləğv edilib.
Ucnoqta.az xəbər verir ki, bu, Rusiya paytaxtının hava limanlarının onlayn məlumatlarında bildirilib.
Moskva vaxtı ilə saat 20.46-a olan məlumata görə, Domodedovo hava limanında qar yağması fonunda 18 reys gecikib və doqquzu ləğv edilib. Vnukovoda səkkiz reys təxirə salınıb, daha səkkiz reys gecikib. “Şeremetyevo” hava limanında 13 reys gecikib, beşi ləğv edilib.
Qeyd edək ki, Moskvada çovğun, qara buz, qar və mənfi 3 dərəcəyə qədər olan temperatur müşahidə edilir.
Emin