"Qarabağ" güclü rəqibdir" - "Viktoriya"nın baş məşqçisi

"Qarabağ" daha güclü rəqibdir. Ona görə Macarıstan "Ferentsvaroş"u ilə qarşılaşmaq istədiyimizi söyləmişdim".

Bunu Çexiyanın "Viktoriya" (Plzen) komandasının baş məşqçisi Mixal Bilek Bakıda "Qarabağ"a qarşı keçirəcəkləri UEFA Çempionlar Liqasının pley-off mərhələsinin ilk oyunundan öncə mətbuat konfransında deyib.

57 yaşlı mütəxəssis sabahkı matçda hər şeyə hazır olduqlarını bildirib: "Burada havanın isti, tribunada rəqib komandanın azarkeşlərinin çox olacağını bilirik. Bakıya hazırlıqlı gəlmişik. Oyuna konsentrasiya olmağa çalışacağıq".

O, "Qarabağ"ın Polşa, İsveçrə və Macarıstan çempionlarını mübarizədən kənarlaşdırdığını xatırladıb: "Amma biz də Çexiya çempionuyuq. Rəqibin güclü olduğunu bilirik. Qalib gəlmək üçün əlimizdən gələni edəcəyik".

Bilek meydana hansı heyətlə çıxacaqlarını açıqlamayıb: "Start heyətini və hansı oyun üslubunda oynayacağımızı indi demək istəməzdim. Hər şeyi sabah görmək mümkün olacaq. Hələ qruplara qalmamışıq. Sonadək mübarizə aparmalıyıq. Çünki uzun yol qət etmişik".

Təcrübəli baş məşqçi Bakıda qalib gəlmək istədiklərini gizlətməyib: "Evdə rahat oynamaq üçün burada qələbə yaxşı olardı. Amma sabah meydanda nəyin necə olacağını bilmirik. "Qarabağ"ın hücum xətti güclüdür. Ona görə də 2 hücumçu ilə oynayıb-oynamayacağımızı bilmirik".

Qeyd edək ki, avqustun 17-də Tofiq Bəhramov adına Respublika stadionunda oynanılacaq "Qarabağ" - "Viktoriya" görüşü saat 20:45-də başlayacaq./report

Tarix
16 Avqust 2022 [20:19]
Müəllif
Üç nöqtə
2022-08-16 20:19:05
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin