Yaponiyada meymunlar onlarla insanı yaraladı

20:20 - 26 İyul 2022 - MARAQLI

Yaponiyada Yamaquti şəhərinin sakinləri vəhşi meymunların daimi hücumuna məruz qalırlar.

Ucnoqta.az xəbər verir ki, "Gazeta.ru"nun yazdığına görə, son bir neçə həftə ərzində makakaların aqressiv davranışı nəticəsində 42 nəfər zərər çəkib.

“Əvvəlcə yalnız uşaqlar və qadınlar hücuma məruz qalırdılar. Son zamanlar yaşlı insanlar və yetkin kişilər də hücumların qurbanına çevrilirlər”, - deyə yerli polis bildirib.

Hüquq-mühafizə orqanları meymunları tələlərlə tutmağa çalışsalar da, bu üsul nəticəsiz qalıb. İndi polis heyvanları sakitləşdirici oxların köməyilə tutur.

Hücum edən heyvanların meymunların həssas növünə aid olduğu qeyd edilir. Hazırda onların sayı artır və bu da insanlarla qaçılmaz təmaslara və münaqişələrə səbəb olur.

Xəbər xətti