"Bavariya" klubu "Barselona"nın Robert Levandovski üçün üçüncü təklifini də rədd edib.
Ucnoqta.az "Bild" nəşrinə istinadən xəbər verir ki, Münhen klubu 33 yaşlı hücumçunu 40+5 milyon avroya satmaqdan imtina edib. Bildirilib ki, "Bavariya" oyunçunu yalnız 50 milyon avroluq təklif alacağı təqdirdə satacaq.
Əvvəllər “Barselona” futbolçu üçün 32+5 milyon avro, sonra isə 35+5 milyon avro təklif edirdi. Bu təkliflərin hər ikisinə “Bavariya”dan müsbət cavab verilməyib.
Ötən mövsüm hücumçu "Bavariya"nın heyətində bütün turnirlərdə 50 matçda 46 qol vurub. Onun tam statistikası burada mövcuddur.