Milli Hidrometeorologiya Xidməti fevralın 25-i saat 22:00-a olan hava məlumatını açıqlayıb. Xidmətdən daxil olan məlumata əsasən, Sumqayıt, Bakı, Pirallahı, Neft Daşları, Çilov adası, Göygöl, Naftalan, Şəmkir, Ağdam, Oğuz, Qəbələ, Şəki, Xaçmaz, Tərtər, Bərdə, Hacıqabul, Biləsuvar, Qax, Mingəçevir, Beyləqan, Yevlaxda duman müşahidə olunub. Magistral avtomobil yollarının bəzi hissələrində duman ilə əlaqədar görünüş məsafəsi 100-500 metrədək məhdudlaşıb. Ölkə ərazisində dumanlı hava şəraiti fevralın 26-sı səhərədək davam edəcək.