Ana səhifə Mobil versiya
20 Sentyabr 2021

"Vaşinqton və Berlin Ukraynanı saya saymadılar, ..." - Politoloq

Ukraynada “ikinci Maydan” hərəkatı ölkənin Avropa İttifaqına sıx inteqrasiya uğrunda başlamışdı. Rusiya Ukraynanı cəzalandırmaq məqsədilə 2014-cü ildə Krımı ilhaq etdi. Bəs Ukraynanın ümid etdiyi Avropa nə etdi?

Ucnoqta.az xəbər verir ki, bu barədə politoloq Elxan Şahinoğlu deyib. Politoloqun sözlərinə görə, köhnə qitənin əsas ölkələrindən biri Almaniya Rusiyaya qarşı sözdə sanksiyalar qəbul etməklə yanaşı Krımın ilhaqından bir il sonra, yəni 2015-ci ildə Rusiya ilə birgə “Şimal axını – 2” layihəsinin həyata keçirilməsiylə bağlı saziş imzaladı:
"...ABŞ prezidenti Co Bayden Almaniyanın kansleri Angella Merkellə razılığa gəliblər ki, “Şimal axını -2” layihəsi başa çatdırılacaq. Rusiya istədiyini əldə etdi. Vaşinqton və Berlin Ukraynanı saya saymadılar, Kiyevi sadəcə onda arxayın ediblər ki, bəs Rusiya “şimal axını -2” layihəsindən təzyiq vasitəsi kimi istifadə etməyəcəyini vəd edib və Rusiya qazının bir hissəsi əvvəlkitək Ukrayna ərazisindən Avropaya çatdırılacaq. Rusiya vaxtilə Ukraynaya ərazi iddiası olmadığına dair sazişə də imza atmışdı, vədini yerinə yetirdimi?"

Elxan Şahinoğlu qeyd edir ki, Kiyev müqavimətini davam etdirir, Polşanın qismində bir qisim Avropa ölkəsiylə “şimal axını – 2” layihəsinə qarşı mübarizəsindən əl çəkmir: "Kiyev hətta ABŞ Konqresinə müraciət edərək, Rusiyaya qarşı sanksiyaların davam etdirilməsini xahiş edib. Kiyev bu yolla Amerikada Baydenin siyasətindən narazıları aktivləşdirmiş olur. Məsələ burasındadır ki, ABŞ-da respublikaçılar, hətta bəzi demokratlar Baydenin “şimal axını – 2” layihəsinə razılaşmasını sərt tənqid edirlər. Ukrayna prezidenti Vladimir Zelenski avqustun 30-da Vaşinqtona səfər edərək Ağ Evdə Co Baydenlə görüşəcək. Zelenski Poroşenkodan fərqli olaraq ölkəsinin maraqları naminə ABŞ-la hər məsələdə razılaşmağa meylli deyil."

Tarix
23 İyul 2021 [11:06]
Müəllif
Üç nöqtə
Digər xəbərlər
2021-07-23 11:06:27
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin