Gürcüstanda koronavirusun Hindistan ştammına yeddi yeni yoluxma halı təsdiqlənib.
Ucnoqta.az “Report”-a istinadən xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri, baş epidemioloq Amiran Qamkrelidze məlumat verib.
Onun sözlərinə görə, ölkə üzrə “delta” stammının dövriyyəsi 10-20 % arasında dəyişir.
Baş epidemioloq əhalini daha ehtiyatlı olmağa və tələblərə əməl etməyə çağırıb.
Qeyd edək ki, qonşu ölkədə Hindistan ştammına ilk yoluxma faktları mayın 27-də qeydə alınıb. Hazırkı dövrədək virusun təhlükəli növü 27 nəfərdə aşkarlanıb.
