Mədəniyyət naziri Anar Kərimov Şuşaya səfəri zamanı çəkdirdiyi şəkli uşaqlıq fotosu ilə birgə paylaşıb. “Qafqazinfo” xəbər verir ki, nazirin şəkilləri arasında 36 il fərq var. “İlk dəfə Şuşanı gəzəndə uşaq idim və gözəlliyi məni sonsuz heyrətləndirmişdi. Yenidən burada olmaq və 36 illik ayrılıqdan sonra müqəddəs İsa Bulağından su içmək necə də xoşdur! Şuşa həmişə kimliyimizin və mədəniyyətimizin nişanəsi olaraq qəlbimizdə qaldı”, - deyə nazir Tvitter paylaşımında bildirib.