Qax rayonunda yaşayış evində yanğın olub.
"Report"un məlumatına görə, hadisə rayonun Qum kəndində baş verib.
Belə ki, kənd sakini, 1963-cü il təvəllüdlü Azər Qönçə oğlu Qönçəyevə məxsus ümumi sahəsi 90 m² olan birmərtəbəli - dörd otaq və bir mətbəxdən ibarət olan ev anidən alovlanıb. Hadisə yerinə Fövqəladə Hallar Nazirliyinin Qax Yanğından Mühafizə Hissəsinin iki yanğınsöndürən texnikası və şəxsi heyəti cəlb olunub.
Hadisə zamanı evin 2 otağının dam və tavan örtüyündə yanıb, digər üç otaq yanğından mühafizə olunub, ev əşyalarının bir hissəsi isə yanaraq yararsız hala düşüb.
Yanğın söndürülüb, xəsarət alan olmayıb.
Faktla bağlı araşdırma aparılır.