Gəncə şəhərində həyat yoldaşını qətlə yetirməkdə təqsirli bilinən İlham Həsənovun cinayət işi üzrə ibtidai istintaq başa çatıb.
Cinayət işinin materialları baxılması üçün gəncə Ağır Cinayətlər Məhkəməsinə göndərilib.
Cinayət işi hakim Xəqani Səmədovun icraatına verilib.
İş üzrə məhkəmə hazırlıq iclası dekabrın 28-nə təyin olunub.
Xatırladaq ki, hadisə avqustun 3-də Gəncə şəhərində yerləşən Xalça Kombinatının yataqxanasında qeydə alınıb.1956-cı il təvəllüdlü İlham Müzəffər oğlu Həsənov aralarında yaranan mübahisə zamanı həyat yoldaşı,1964-cü il təvəllüdlü İbrahimova Zərəfşan Eldar qızına 3 bıçaq xəsarəti yetirib.
Həkimlərin səyinə bamayaraq qadın aldığı xəsarətlərdən xəstəxanada dünyasını dəyişib.
Cinayəti törətməkdə şübhəli bilinən İlham Həsənov isə polis əməkdaşları tərəfindən saxlanılıb.