“Bölgədə tarazlıq Azərbaycanın xeyrinə kəskin şəkildə dəyişib”.
“Report”un Gürcüstan bürosu xəbər verir ki, bunu xarici əlaqələr üzrə ekspert Tornike Şaraşenidze “IPN” agentliyinə müsahibəsində deyib.
Politoloqun sözlərinə görə, Azərbaycan son 10 ildə çox güclənib: “Üstünlük Azərbaycanın tərəfindədir. Türkiyə Azərbaycanı hərtərəfli dəstəkləyir. Rusiya Bakıya qarşı çıxmayacaq. Azərbaycan bu reallığı dərk edir və hələ dayanmaq fikirndə deyil”.
Gürcüstanın münaqişə tərəflərinə Tbilisidə dialoq aparması təklifini şərh edən T.Şaraşenidze bunun baş tutmayacağını deyib: “Gürcüstan tərəflərə təsir etmək və onları barışdırmaq üçün təsir və nüfuza malik deyil”.
