Ramazan ayında uşaqların şəkər istehlakının artması diş sağlamlığına mənfi təsir göstərə bilər.
Ucnoqta.az xəbər verir ki, diş həkimi Hüseyn Ceylan şəkərin turşu yaradaraq diş çürüməsinə səbəb ola biləcəyini, şəkərdən sonra pendir istehlakının riski azalda biləcəyini qeyd edib.
Fitr bayramında şəkər istehlakının artması xüsusilə uşaqların diş sağlamlığını təhdid edir. Mütəxəssislər şəkərin ağızdakı bakteriyalar tərəfindən qıcqıraraq turşuya çevrildiyini və bunun diş minasını aşındıraraq çürüklərə səbəb olduğunu bildirirlər.
Uşaqların diş sağlamlığını qorumaq üçün bayramda ailələrin şəkər istehlakını məhdudlaşdırmalı olduqlarını vurğulayan mütəxəssislər, diş fırçalama tezliyini artırmaqla yanaşı, fırçalamanın mümkün olmadığı mühitlərdə bir dilim pendir istehlakının ağız boşluğunun pH balansını tənzimləyərək diş çürüməsinin qarşısını ala biləcəyinə də diqqət çəkirlər.
Mövzu ilə bağlı açıqlamalar verən diş həkimi Hüseyn Ceylan, uşaqların diş sağlamlığının qorunması lazım olduğunu tövsiyyə edir.
"Süd dişlərindəki çürük sadəcə müvəqqəti bir problem deyil. Altı yaşında çıxmağa başlayan daimi dişlər də tez çürüyə bilər. Uşaqlar ömürlərinin sonuna qədər istifadə edəcəkləri dişlərini erkən yaşda itirə bilərlər" - deyə xəbərdarlıq edib.