“BakıKart” mobil tətbiqində yaranmış nasazlıq artıq aradan qaldırılıb.
Ucnoqta.az xəbər verir ki, mobil tətbiq istifadəçilərinin balansı bərpa olunub.
Xatırladaq ki, "Bakıkart" saytında və "Bakıkart mobil tətbiqində ötən ilin avqust ayında problem yaranmışdı. "Bakıkart" saytı bir müddət əvvəl bərpa olunmuşdu.
Daha əvvəl müvafiq qurumun rəsmiləri açıqlamalarında istifadəçilərin marşrutları asanlıqla axtara, təyinat yerinə getmək üçün ən yaxın dayanacaqları tapa və avtobusları real vaxt rejimində izlənə biləcəyi bildirilsə də, sistemdə bu bərpa olunmayıb.
Qeyd edilən xidmət mobil tətbiqdə aktiv deyil. Belə ki, BakıKart mobil tətbiqinin əsas xüsusiyyətlərində bu xidmət göstərilməyib.
BakıKart mobil tətbiqinin əsas xüsusiyyətləri:
1. Kartın doldurulması: Mobil tətbiq vasitəsilə BakıKart balansının online şəkildə artırmaq mümkündür. Bu, nağd pul istifadə etmədən kartın balansını artırmağa imkan verir.
2. Yükləmə tarixçəsi: Tətbiqdə istifadəçinin yükləmə tarixçəsi haqqında məlumatlar mövcuddur.
3. Nəqliyyat ödənişləri: BakıKart tətbiqindən alınan QR biletlər vasitəsilə, istifadəçilər nəqliyyat vasitələrində (metro, avtobus) ödənişləri rahatlıqla edə bilərlər.
4. Aydın interfeys: Tətbiq intuitiv və sadə interfeysi ilə istifadəçilərin rahat istifadəsini təmin edir.
