1
Cənubi azərbaycanlı məşhur müğənni Sami Yusuf dahi Azərbaycan şairi və mütəfəkkiri İmadəddin Nəsiminin "Sığmazam" qəzəlini özünəməxsus şəkildə, fərqli üslubda ifa edib.
Qəzəli daha da zənginləşdirmək üçün Əməkdar artist Samirə Əliyeva və Təyyar Bayramov muğam hissələrini səsləndiriblər. Qəzələ samballı musiqi bəstələyən Sami Yusuf onu canlı şəkildə xor və orkestrın müşayiəti ilə ifa edib. Orkestr 57 nəfərdən ibarət olub.
"Nəsimi" adlandırılan əsər Sami Yusufun rəsmi "Youtube" kanalında paylaşılıb. Mahnı 15 saat ərzində 100 mindən çox baxış sayı toplayıb./oxu.az