2
Masallı rayonunun Ərkivan qəsəbəsində ölümlə nəticələnən ağır yol qəzası baş verib. Ucnoqta.az istipress-ə istinadən xəbər verir ki, sürücüsünün kimliyi hələ bəlli olmayan VAZ-2101 markalı maşın idarəetməni itirərək yolun kənarındakı maneəyə çırpılıb. Sürücü hadisədən xəsarətsiz ötüşsə də, maşındakı sərnişin, qəsəbə sakini , 2002-ci il təvəllüdlü Gözəlov Elşad Elşən oğlu aldığı xəsarətlərdən hadisə yerindəcə keçinib. Qəzanın yüksək sürət səbəbindən baş verdiyi istisna edilmir.
Faktla bağlı Masallı rayon polis şöbəsində araşdırmalara başlanılıb.