Prezident və xanımı RYTN-nin Regional Data və Beynəlxalq Kommutasiya mərkəzlərinin açılışında iştirak ediblər

Azərbaycanın Rabitə və Yüksək Texnologiyalar Nazirliyinin (RYTN) Bakıda Regional Data və Beynəlxalq Kommutasiya mərkəzlərinin açılışı olub.APA-nın məlumatına görə, Azərbaycan prezidenti İlham Əliyev və xanımı Mehriban Əliyeva açılış mərasimində iştirak ediblər.
Rabitə və yüksək texnologiyalar naziri Ramin Quluzadə dövlət başçısına məlumat verib ki, Regional Data Mərkəzinin və IP əsaslı Beynəlxalq Kommutasiya Mərkəzinin operatoru 2015-ci ilin iyun ayında yenidən strukturlaşdırılaraq adı dəyişdirilən “AzInTelecom” Məhdud Məsuliyyətli Cəmiyyətidir.
Prezident İlham Əliyev və xanımı Mehriban Əliyeva mərkəzlərdə yaradılan şəraitlə tanış olublar.

 
Sonda xatirə şəkli çəkdirilib.