Messi dünyanın ən yaxşı komandalarını açıqladı

Argentina millisinin və "İnter Mayami"nin lideri Lionel Messi "Real Madrid"i hazırda dünyanın ən yaxşı komandası adlandırıb.

Ucnoqta.az xəbər verir ki, bu barədə o, "Infobae"yə müsahibəsində deyib.

“Ən yaxşı komanda "Real Madrid"dir, çünki onlar Çempionlar Liqasının qalibidir. Nəticələrə görə, bu, "Real Madrid"dir, amma oyun haqqında danışsaq, şəxsən mən Pep Qvardiolanın "Mançester Siti" komandasına üstünlük verirəm”, – Messi bildirib.

Messinin fikrincə, Qvardiolanın rəhbərliyi altında istənilən komanda xüsusi olacaq.

“Onun məşqçi olduğuna, işinə, komandaya aşıladığı futbol növünə görə. Ona görə də futbol səviyyəsinə görə ən yaxşı komanda “Mançester Siti”, nəticə baxımından isə “Real Madrid”dir”, – argentinalı əlavə edib.