Axtarılan iş adamı çaya düşmüş “Audi”sində ölü tapıldı - VİDEO

Türkiyənin Qarabük vilayətində iş adamı çaya düşən avtomobilində ölü tapılıb. Ucnoqta.az xəbər verir ki, dəmir və polad istehsalı ilə məşğul olan iş adamı Ərtuğrul Qazi Yıldız noyabrın 24-də saat 16.00 radələrində Kastamonunun Arac rayonunda yararsız vəziyyətdə aldığı yanacaq doldurma məntəqəsini yoxlamaq üçün, 34 RM 6068 qeydiyyat nömrə nişanlı “Audi” markalı avtomobillə yola çıxıb. Yoxladıqdan sonra axşam saatlarında Qarabükə geri qaydan Yıldız, mobil telefonundan zəng etdiyi dostuna “Məni buradan xilas elə” söyləyib və sonra bir daha ondan xəbər alınmayıb.

Yıldızın yaxınlarının xəbər verməsi ilə polis əməkdaşları araşdırmalara başlayıb. Araşdırmalar zamanı Ərtuğrul Qazi Yıldız Arac çayı kənarında yerləşən kafedə bir müddət fasilə verdiyi və avtomobilinə minərək oradan uzaqlaşdığı müəyyən olunub.

Noyabrın 25-i saat 14.00 radələrində asayiş keşikçilərinin ərazidə apardıqları geniş əməliyyat-axtarış tədbirləri nəticəsində, Yıldızın avtomobili çayda suyun içinə batmış vəziyyətdə tapılıb.

Təhlükəsizlik kəməri taxılı olan Yıldızın avtomobilin içində boğularaq öldüyü müəyyən olunub.

Yıldızın cəsədi maşınla birlikdə kran vasitəsilə çaydan çıxarılıb.

Evli, 2 uşaq atası olan Ərtuğrul Qazi Yıldızın meyiti müayinə olunması üçün Safranbolu Dövlət Xəstəxanasının morquna aparılıb.

Hüquq-mühafizə orqanları tərəfindən araşdırmalar davam etdirilir.

 

Namiq Musayev

 

 

Tarix
26 Noyabr 2019 [12:04]
Müəllif
Üç nöqtə
Digər xəbərlər
2019-11-26 12:04:23
Xəbər xətti
Foto
Video
Çox oxunanlar
Sorğu
Qışa hazırsınız?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin