Fransada ov itləri hamilə qadını öldürüb.
29 yaşlı qadın Villiers Cotterets şəhəri yaxınlığındakı meşədə itləri ilə gəzintiyə çıxıb. “CNNTürk”ün məlumatına görə, bu vaxt meşədə itləri ilə ova çıxan ovçular da olub.
Ov itləri hücum edərək, hamilə qadının qolları, ayaqları və başını dişləyib və onu öldürüblər.
Polis hadisə ilə bağlı “adam öldürmə” maddəsi ilə cinayət işi açıb. Qadına hansı itin hücum etdiyini dəqiqləşdirmək üçün 93 itdən test nümunələri götürülüb.
Onların arasında qadına aid beş it də var./oxu.az