Ana səhifə
22 May 2018

"Azərbaycan Türkmənistanın mühüm tərəfdaşıdır" Qurbanqulu Berdiməhəmmədov

Azərbaycan Türkmənistanın mühüm tərəfdaşıdır.
 

"Ucnoqta.az" Trend-ə istinadən bildirir ki, bunu Türkmənistan Prezidenti Qurbanqulu Berdiməhəmmədov Türkmənbaşı şəhərinin Beynəlxalq hava limanında işgüzar məsləhətləşmələr zamanı deyib.
 

Prezident qeyd edib ki, yüksək səviyyədə əldə olunan ikitərəfli sazişlərin uğurla həyata keçirilməsi üçün müvafiq qurumların müntəzəm fəaliyyəti vacibdir:

"Xəzər dənizi dostluq və beynəlxalq əməkdaşlıq dənizi olmalıdır, onun məkanında sülh və beynəlxalq qarşılıqlı fəaliyyətə yönəlmiş irimiqyaslı işlər görülməlidir".
 

Xatırladaq ki, yanvar ayının sonunda xarici işlər naziri Elmar Məmmədyarov Türkmənistana rəsmi səfəri çərçivəsində Türkmənistan Nazirlər kabinetinin sədr müavini, xarici işlər naziri Rəşid Meredovla görüşüb.
 

Görüş zamanı iki ölkə arasında əlaqələrin inkişafında dövlət başçıları səviyyəsində siyasi dialoqun, qarşılıqlı səfər mübadilələrinin, həmçinin XİN-lərarası məsləhətləşmələrin vacibliyi qeyd olunub.
 

Nazirlər Türkmənistan Prezidentinin 2017-ci ildə Azərbaycana rəsmi səfəri çərçivəsində ölkələrimiz arasında Strateji Tərəfdaşlığa dair Bəyannamənin imzalanması ilə əlaqələrimizin keyfiyyətcə yeni səviyyəyə qədəm qoyduğunu bildiriblər.
 

Həmçinin Azərbaycan və Türkmənistanın digər sahilyanı dövlətlərlə birlikdə Xəzər dənizində dostluq, əməkdaşlıq və qarşılıqlı anlayışı təşviq etdiyi vurğulanıb.
 

Nazirlər ikitərəfli müqavilə-hüquq bazasının genişləndirilməsi və beynəlxalq təşkilatlar çərçivəsində əməkdaşlıq məsələlərini nəzərdən keçiriblər.

Tarix
2 Fevral 2018 [09:27]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin