Ana səhifə
22 Avqust 2018

Hindistanla Azərbaycan arasında birbaşa aviareyslər açılarsa... - Səfirdən MARAQLI AÇIQLAMA

Hindistanla Azərbaycan arasında birbaşa reyslərin açılması iki ölkə arasında iş adamları və turist axınını əhəmiyyətli şəkildə artıracaq.
 

"Ucnoqta.az" xəbər veir ki, bunu Trend-ə Hindistanın Bakıdakı səfiri Sancay Rana deyib.
 

Onun sözlərinə görə, birbaşa reyslər turizm və tibb xidmətləri sahəsində biznes üçün yeni imkanlar yaradacaq: "Getdikcə daha çox Hindistan vətəndaşı xarici ölkələrə gedir. Hindistanlı turistlər adətən yeni yerlərə getməyi xoşlayır. Azərbaycan, xüsusilə də, Bakı yeni turizm mərkəzi kimi populyarlıq qazanır".

 

Səfir hesab edir ki, ötən il işə düşmüş ASAN Viza xidməti turizm üçün mühüm bonus hesab olunur: "Mən Bakıda hər dəfə İçərişəhərdə, Fəvvarələr meydanında və ya Atəşgahda olanda çoxlu hindistanlı turist görürəm. Bakıdan kənarda – Qəbələ, Şəki, Şahdağ kimi bölgələr də populyardır. Bakı ilə Hindistanın şəhərləri arasında birbaşa reyslərin olmaması ölkələrimiz arasında turizmin inkişafını məhdudlaşdırır. Bu cür reyslər açılarsa, biz Azərbaycana daha çox hindistanlı turistin gəlməsinin şahidi olarıq".
 

Diplomat həmçinin qeyd edib ki, Azərbaycandan Hindistana turizmin təşviqi bizim üçün prioritetdir: "Bizim turizm şirkətləri burada səyahət sərgilərində iştirak edir və yerli səyahət şirkətləri ilə danışıqlar aparırlar. Onlar birgə Azərbaycan turistlərinin tələblərinə və zövqlərinə cavab verən səyahət paketləri hazırlayıblar. Hindistanda bütün zövqlərə uyğun gələn turistik yerlər var. Tarixi abidələrimiz, zəngin mədəni irsimiz, ünsiyyətcil insanlarımız və gözəl mətbəximiz var. Hindistan həmçinin, dünya səviyyəli xidmətlər təklif edən tibb müəssisələrinə malik olduğu üçün tibbi turizm üçün çox populyar bir yerdir. Biz Hindistan turizm şirkətlərinin daha çox nümayəndə heyətini Azərbaycana səfərlərini təşkil edərək, onları yerli turizm şirkətləri ilə bir araya gətirməyə ümid edirik".

Tarix
22 Yanvar 2018 [18:20]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin