Ana səhifə
27 Sentyabr 2017

Dəmir Yollarından yeni tələb: 10 yaşlı uşaqları aparan qohumlar ...

Respublikanın rayonlarına qatarla gedərkən 10 yaşlı uşaqları yanlarında aparan qohumlardan valideynlərin verdiyi etibarnamə tələb olunacaq. Bununla bağlı qərar bir neçə gün əvvəl qəbul edilib. Ucnoqta.az xəbər verir ki, bu barədə publika.az-a “Azərbaycan Dəmir Yolları” QSC-nin mətbuat xidmətinin rəhbəri Sevinc Qədirova məlumat verib.

Onun sözlərinə görə, qohumlar mütləq ata və ya anadan bununla bağlı etibarnamə almalıdırlar:

“Bir neçə gün əvvəl qəbul edilmiş yeni qərara əsasən, 10 yaşa qədər uşağı nənə, baba, əmi, dayı, xala, bibi və digər qohumları Bakıdan rayona aparmaq üçün valideynləri adından notariusda təsdiq edilmiş sənədi təqdim etməlidirlər. Bu sənəd olmadığı halda, uşağın aparılmasına icazə verilməyəcək”.

S.Qədirova bildirib ki, bu yeniliyin tətbiq edilməsinə səbəb uşaqların təhlükəsizliyini təmin etməkdir:

“Son vaxtlar ölkədə problemli boşanmalar artıb. Bu zaman həmin ailələrdə olan uşaqların valideynlərdən xəbərsiz aparılması problemə çevrilir. Həm bu problemlər, həm də uşaqların qaçırılması kimi halların qarşısını almaq üçün bu addım atılıb. Düzdür, bu cür hallarla bağlı bizə müraciət daxil olmayıb, lakin profilaktik tədbirlər məqsədilə belə bir addım atmışıq”.

Tarix
13 Sentyabr 2017 [16:47]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
KİV
Virtual Qarabağ