Ana səhifə
22 Sentyabr 2018

Əfsanəvi “CinemaPlus Azerbaijan” kinoteatrın təntənəli açılışı baş tutub

Yanvarın 21-də, bir müddət öncə fəaliyyətini dayandıran, əfsanəvi “CinemaPlus Azerbaijan” kinoteatrın təntənəli açılışı baş tutmuşdur. 
Həmin gecənin qonaqları yerli ulduzlar, sahibkarlar, iri təşkilat rəhbərləri, aktyorlar, ifaçılar, televiziya aparıcıları, rejissorlar, prodüserlər, bloqqerlər, bomond və KİV nümayəndələri olmuşdurlar.
Kinoteatrın qarşısında nəhəng tent quraşdırılmışdır və milli yeməklərdən ibarət furşet təşkil olunmuşdur. Gecənin ən yaddan qalan anı, musiqiçilərin ifaları olmuşdur, hansılar ki, milli nağaranı klassik Azərbaycan musiqisi ilə uyğunlaşdırmışdırlar. 
Açılışda “CinemaPlus” kinoteatrlar şəbəkəsinin baş direktoru Zaur Darabzadə qeyd etmişdir ki, əfsanəvi kinoteatrın məhz “CinemaPlus” tərəfindən yenidən istifadəyə verilməsi ilə fəxr edir. Həmçinin qonaqları “CinemaPlus” kinoteatrlar şəbəkəsinin baş direktorunun müavini Cəfər Axundzadə salamlamışdır. 
Fəxri qonaq qismində Azərbaycan Respublikasının xalq artisti və kinematoqrafçılar İttifaqının sədri Şəfiqə Məmmədova olmuşdur.  O, kinoteatrın tarixçəsinə dair öz xatırlamaları ilə bölüşmüşdür:  “Mən, əminəm ki, bu kinoteatr çox uğurlu olacaq. Çünki, məhz burada biz ən yaxşı və ən maraqlı filmləri izləmişik. Çox istərdim ki, tamaşaçılar zəngin tarixi olan kinoteatra gəlsinlər. Biz çox istəyirik bu kinoteatrı, və mən əminəm ki, bura necə bizim sevimli yer olacaqsa, elə də sizin sevimli yeriniz olacaq!”
Tədbir,  rejissoru Emir Kusturitsa olan “Səma yolu ilə” filminin premyerası ilə başa çatmışdır. Rejissor, məhz özü də filmdə məşhur italyan aktrisa Monika Belluççi ilə birgə baş rolu oynamışdır. Film bosniya müharibəsi dövründə olmuş məhəbbət tarixçəsindən bəhs edir.  
Kinoteatr dünya stardartlarına cavab verən 2 mərtəbədən ibarətdir. 3 zal və 190 oturacaq yeri var. Zallar rahat və yüksək keyfiyyətli kreslolar ilə təchiz olunub.  
Xüsusi zövq ilə layihələndirilmiş VIP zalda tamaşaçılar ayrıca masası olan kreslolarda film izləmək və VIP-bar xidmətlərindən istifadə edə bilərlər. 
Bundan əlavə kinoteatrda birinci mərtəbədən ikinci mərtəbəyə qalxmaq üçün xüsusi liftlər quraşdırılıb. Onların köməyi ilə həm VİP zalın tamaşaçıları növbə gözləmədən zala daxil ola, həmdə fiziki qüsurlu insanlar əlil arabaları ilə rahat şəkildə ikinci mərtəbəyə qalxa bilərlər.  Həmçinin əlil arabalı üçün zallarda xüsusi yerlər quraşdırılıb.  
Popkornsuz və soyuq içkilərsiz film izləmək təsəvvüredilməzdir. Kinoteatrda 4 növdə popkorn, şəkərli pambıq, buzlu alkoqolsuz kokteyllər və başqa içkilər təklif olunur.
Tədbirin həyata keçməkdə dəstək olan şirkətlər: Amapola Exclusive Events, dublyaj studiyası Cinemazadeh,  Cinema Distribution və TNT.
Həmçinin qeyd etmək istəyirik ki, “CinemaPlus” kinoteatrlar şəbəkəsinə daxildir: “CinemaPlus 28 Mall”, “CinemaPlus Ganjlik Mall”, “CinemaPlus Aygün City”, “CinemaPlus Amburan Mall” və Gəncə şəhərində yerləşən “CinemaPlus Khamsa”.

Tarix
24 Yanvar 2017 [12:20]
Müəllif
Üç nöqtə
Digər xəbərlər
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin