Gürcüstanın baş naziri İrakli Kobaxidze və Ermənistan Müdafiə Nazirliyinin rəhbəri Suren Papikyan Tbilisidə keçirilən görüşdə regiondakı vəziyyəti müzakirə ediblər.
Ucnoqta.az xəbər verir ki, bu barədə Gürcüstan hökumətinin mətbuat xidməti məlumat yayıb.
Həmçinin, Gürcüstan Müdafiə Nazirliyinin məlumatına görə, idarənin rəisi İrakli Çikovani bazar ertəsi Tbilisiyə gələn erməni həmkarı ilə görüşüb.
Tərəflər ikitərəfli və geniş tərkibdə görüşlər keçirib, xüsusilə, Gürcüstanın müdafiə nazirinin İrəvana səfəri zamanı 2024-cü ildə rəsmiləşdirilmiş iki departament arasında 2024-cü il üçün əməkdaşlıq planını müzakirə ediblər.
Ermənistan Müdafiə Nazirliyinin mətbuat xidmətinin məlumatına görə, tərəflər müxtəlif qrupların qarşılıqlı səfərləri vasitəsilə ikitərəfli müdafiə əməkdaşlığının daha da genişləndirilməsi və yeni sahələr daxil edilməsi imkanlarını araşdırmaq barədə razılığa gəliblər.
“Söhbət zamanı nazirlər hərbi təhsil sahəsində təcrübə mübadiləsində əməkdaşlığın intensivləşdirilməsinin və genişləndirilməsinin vacibliyini qeyd ediblər, həmçinin regionda uzunmüddətli və sabit sülhün bərqərar olmasının vacibliyini vurğulayıblar”, - Ermənistan hərbi idarəsi bildirib. .
