Çin hakimiyyəti Qırğızıstanla sərhəddə yerləşən keçid məntəqələrini müvəqqəti bağlayacaq.
Ucnoqta.az xəbər verir ki, bu barədə Qırğızıstan Milli Təhlükəsizlik Dövlət Komitəsinin Sərhəd Xidməti məlumat yayıb.
“Çin tərəfinin təşəbbüsü ilə ÇXR-də payızın ortası festivalının (29 sentyabr) və Çin Xalq Respublikasının yaranması gününün (1 oktyabr) qeyd olunması ilə əlaqədar olaraq, Toruqart-Avtodorojnı və İrkeştam-Avtodorojnı Dövlət sərhədinin Qırğızıstan-Çin hissəsində yerləşən keçid məntəqələri müvəqqəti olaraq bağlanacaq”, - məlumatda deyilir.
Sərhəd qurumundan verilən məlumata görə, bu keçid məntəqələri sentyabrın 29-da, eləcə də oktyabrın 1-dən 3-dək fəaliyyət göstərməyəcək.