Laçının işğaldan azad edilməsindən iki il ötür

Bu gün Laçın rayonunun Ermənistanın işğalından azad edilməsindən iki il keçir.

2020-ci ildə 44 günlük Vətən müharibəsində Azərbaycan hərbi müstəvidə Ermənistan üzərində həlledici qələbə qazandı.

Bu qələbənin siyasi müstəvidə davam etdirilməsi nəticəsində 44 günlük Vətən müharibəsindən sonrakı 20 gün ərzində 3 rayon – noyabrın 20-də Ağdam, noyabrın 25-də Kəlbəcər, dekabrın 1-də isə Laçın Azərbaycana təhvil verildi.

Bu münasibətlə Azərbaycan Prezidenti, Silahlı Qüvvələrin Ali Baş Komandanı İlham Əliyev 2020-ci ilin dekabrın 1-də xalqa müraciətində deyib:

“Döyüş meydanında əldə edilmiş parlaq qələbə bu gözəl nəticəyə gətirib çıxardı ki, üç rayonumuz – Ağdam, Kəlbəcər və Laçın bizə qaytarıldı. Biz bu rayonları bir güllə atmadan, bir şəhid vermədən qaytarmışıq”.

Bildirək ki, Azərbaycan 2022-ci ilin avqustun 26-da 10 Noyabr Bəyanatının müddəalarına əsasən, Laçın şəhərinə, Zabux və Sus kəndlərinə nəzarəti bərpa edib.

Qeyd edək ki, Laçın 1992-ci ilin may ayının 18-də Ermənistan tərəfindən işğal olunmuşdu.

Tarix
1 Dekabr 2022 [07:50]
Müəllif
Üç nöqtə
2022-12-01 07:50:22
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin