Tacikistan sərhədə ağır texnika və canlı qüvvə yığır

22:51 - 27 Yanvar 2022 - DÜNYA

“Tacikistan tərəfi hazırda Qırğızıstanla sərhəddəki münaqişə zonasına ağır texnika və canlı qüvvə yığır”.

APA xəbər verir ki, bu barədə Qırğızıstan Milli Təhlükəsizlik Dövlət Komitəsinin Sərhəd Xidmətinin yaydığı məlumatda bildirilib.

Dövlət Təhlükəsizlik Komitəsinin Sərhəd Xidmətinin direktoru, general-mayor Ularbek Şarşeyev bildirib ki, atəşi dayandırmayan Tacikistan tərəfidir, üstəlik, ağır hərbi texnika və şəxsi heyəti sərhədə çəkməkdə davam edir: “Tacikistan tərəfi Qırğızıstan hərbçilərinin mövqelərini vaxtaşırı atəşə tutmağa davam edir. Əki-Taş, Qum-Bazar, Çir-Dobo ərazilərində yanğınlar davam edir”.

Həmçinin, bildirilib ki, Qırğızıstan Daxili Qoşunlarının hərbi qulluqçularının yerləşdiyi ərazi, eləcə də Koço-Boyu bölgə tacik hərbçiləri tərəfindən minaatanlardan atəşə tutulub, nəticədə Qırğızıstan vətəndaşının evi yanıb.

Xəbər xətti