Azərbaycan 2020-ci ilin dekabrından Qazaxıstana 800 ton pomidor ixrac edib.
Bunu AZPROMO-nun prezidenti vəzifələrini icra edən Yusif Abdullayev Fondun 2020-ci il üzrə fəaliyyətinin yekunlarına həsr olunmuş mətbuat konfransında deyib.
O bildirib ki, 2019-cu ildə Azərbaycan Qazaxıstana 1 363 ton pomidor ixrac etmişdi:
"Görülən tədbirlər nəticəsində Azərbaycanın Qazaxıstana bir aylıq pomidor ixracı bu ölkəyə ümumi ixracın təxminən 70 faizini təşkil edib".
Onun sözlərinə görə, 2020-ci ildə Azərbaycan 200 milyon dollar məbləğində pomidor ixrac edib. İxracın 95 faizi Rusiya bazarlarının payına düşüb.