FIFA milli komandaların növbəti reytinq cədvəlini açıqlayıb

FIFA milli komandaların növbəti reytinq cədvəlini açıqlayıb.

"Report" xəbər verir ki, ötən siyahı ilə müqayisədə Azərbaycan millisi 5 pillə irəliləyib.
Hazırda yığma 1180 xalla 109-cu sırada qərarlaşıb.

İrəliləyişə səbəb yığmanın yoldaşlıq görüşündə Sloveniya, UEFA Millətlər Liqasının son matçlarında isə Monteneqro və Lüksemburqla qolsuz heç-heçə etməsidir.
Komandanın Millətlər Liqasındakı rəqiblərindən Monteneqro bir pillə irəliləyib və 1370 xalla 63-cü sıradadır. Üç pillə geriləyən Lüksemburq seçməsə 1235 xalla 98-ci, bir pillə geriləyən Kipr isə 1224 xalla 100-cüdür.

1487 xala malik Türkiyə millisi 32-ci pilləyə yüksəlib. Reytinqin ilk üç pilləsində Belçika (1780), Fransa (1755) və Braziliya (1743) yer alıb.
Xatırladaq ki, FIFA ötən gün yeni reytinq siyahısını dərc etsə də, daha sonra cədvəli saytdan çıxarıb. Quruma üzv olan federasiyalara göndərilmiş məktubda səbəb kimi argentinalı əfsanəvi futbolçu Dieqo Maradonanın vəfatı göstərilib.

Tarix
27 Noyabr 2020 [17:01]
Müəllif
Üç nöqtə
Digər xəbərlər
2020-11-27 17:01:45
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin