İranın Bafq-Bəndər və Abbas rayonlarının ərazisində yük qatarının 12 vaqonu resldən çıxıb.
Trend-in məlumatına görə, hadisə bu gün baş verib. Məlumata görə, İranın Yəzd vilayətinin Bafq rayonundan Hörmüzqan vilayətinin Bəndər Abbas rayonuna doğru hərəkət edən qatar Cənnətabad-Bəyaz stansiyaları arasında relsdən çıxıb. Ümumilikdə qatara 43 vaqon qoşulduğu bildirilir.
Hazırda bu istiqamətdə yol bağlı olduğundan qatarların hərəkəti dayandırılıb.
Qəzanın hansı şəraitdə və səbəbdən baş verməsi hələ məlum deyil.