Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov Qusarda vətəndaşları qəbul edəcək.
"Ucnoqta.az" SHXÇDX-nın Mətbuat xidmətindən "Report"a verilən məlumata istinadən bildirir ki, qəbul fevralın 15-i, saat 11:00-da Xidmətin Qusar rayon şöbəsində baş tutacaq. Qəbulda Xızı, Siyəzən, Şabran, Quba, Qusar və Xaçmaz rayonlarının sakinləri iştirak edə bilərlər.
Qəbula yazılmaq istəyən vətəndaşların 12.02.2018-ci il tarixədək Səfərbərlik və Hərbi Xidmətə Çağırış üzrə Dövlət Xidmətinin adları qeyd olunan rayon şöbə və bölmələrinə müraciət etmələri və qeydiyyatdan keçmələri zəruridir.