Azərbaycanda müşahidə olunan faktiki hava şəraiti açıqlanıb. Ekologiya və Təbii Sərvətlər Nazirliyinin mətbuat xidmətindən Ucnoqta.az-a bildirilib ki, gözlənildiyi kimi fevralın 1-dən 2-si səhərədək ölkə ərazisində qeyri-sabit hava şəraiti davam etmiş, yağıntılı olmuş, qar yağmış, bəzi yerlərdə intensiv olub.
Düşən yağıntının miqdarı Bakıda və Abşeron yarımadasında: 0.3-6 mm; Böyük Qafqazda: 0.3-8 mm; Kiçik Qafqazda: 1-2 mm; Naxçıvan MR-da: 0.6-1 mm; Lənkəran-Astara zonasında: 3-25 mm; Mərkəzi-Aran rayonlarında: 2-14 mm; Qazax-Gəncə zonasında: 0-4 mm təşkil edib.
Qar örtüyünün hündürlüyü Bakıda və Abşeron yarımadasında: Bakıda 29 sm, Zabratda 17 sm, Maştağada 11 sm, Pirallahıda 2 sm; Böyük Qafqazda: Sarıbaşda 67 sm, Şamaxıda 28 sm, Şəki, Kişçayda (Şəki) 27 sm, İsmayıllıda 20 sm, Altıağacda 18 sm, Oğuz, Qəbələdə 13 sm, Qubada 11 sm, Zaqatalada 10 sm, Xaltanda 9 sm, Qusar, Xaçmaz, Balakəndə 6 sm, Şabranda 3 sm.Lənkəran-Astara zonasında: Rvarudda 70 sm, Lerikdə 59 sm, Yardımlıda 32 sm, Göytəpədə 21 sm, Lənkəranda 17 sm, Kəlvəzdə 14 sm, Biləsuvarda 12 sm, Astarada 6 sm. Kiçik Qafqazda: Daşkəsəndə 21 sm, Gədəbəydə 16 sm, Göygöldə 10 sm, Naxçıvan MR-da: Ağdərədə 64 sm, Şahbuz, Naxçıvanda 32 sm, Şərurda 27 sm, Ordubadda 3 sm. Mərkəzi-Aran rayonlarında: Beyləqanda 24 sm, İmişlidə 15 sm, Cəfərxanda 12 sm, Zərdab, Sabirabadda 10 sm, Qazıməmməd, Tərtər, Göyçayda 8 sm, Mingəçevirdə 3 sm, Salyanda 2 sm, Kürdəmirdə 1 sm. Qazax-Gəncə zonasında: Tovuzda 20 sm, Ceyrançöldə 16 sm, Ağstafada 10 sm, Şəmkirdə 7 sm, Gəncədə 3 sm, Naftalanda 1 sm olub.
Havanın minimal temperaturu fevralın 2-də havanın minimal temperaturu Bakıda və Abşeron yarımadasında 1-3° şaxta, aran rayonlarında 1-5° şaxta, dağlıq rayonlarda 10-13° şaxta, Naxçıvan MR-da 7-16° şaxta təşkil edib.