ABŞ dövlət katibi Con Kerri Banqladeşdə səfərdədir. “Qafqazinfo” xarici KİV-ə istinadən xəbər verir ki, hava limanında dövlət katibini xarici işlər naziri Əbül Həsən Mahmud Əli qarşılayıb. Bu, Kerrinin Banqladeşə ilk səfəridir.
Daha əvvəl Banqladeşə bu səviyyədə səfəri 2012-ci ildə Amerika xarici siyasətinin keçmiş lideri və hazırda Demokratlar partiyasından prezidentliyə namizəd olan Hillari Klinton edib.
Kerrinin banqladeşli həmkarı və ölkənin baş naziri ilə görüşdə ikitərəfli əməkdaşlıq və insan haqlarının qorunması məsələsini müzakirə edəcəyi gözlənilir.
Bir gün sonra isə Kerri Hindistana səfər edəcək.