Kürdəmirdə narkotik vasitə alqı-satqısı ilə məşğul olan şəxslər tutulub. Rayon Polis Şöbəsindən APA-ya bildirilib ki, daxil olan məlumat əsasında rayonun Sığırlı kənd sakini Fəqan Əlqiyas oğlu Əzizov şübhəli şəxs qismində saxlanılıb. İlkin dindirmə zamanı məlum olub ki, F. Əzizov 22,97 qram narkotik vasitə olan qurudulmuş marixuananı hələlik istintaqa məlum olmayan mənbədən əldə edib, onun 5,31 qramını həmkəndlisi Ramal Vaqif oğlu Bəşirova 30 manata satıb. R. Bəşirov isə narkotiki onu Karrar kənd sakininə Zəka Mazan oğlu Ramazanova 40 manata satarkən saxlanılıb. Polis əməkdaşları Fəqan Əzizovun yaşadığı ünvanda axtarış apararkən həyətdəki “VAZ-2107” markalı avtomaşından 3 hissəyə bölünmüş ümumi çəkisi 17,66 qram olan narkotik tapıblar.
Faktla bağlı araşdırmalar davam edir.