Amerikalı avtomobil istehsalçısı "Ford" A sütunlu ərazidəki naqillərin zədələnməsinə görə ABŞ-da 140.201 avtomobili geri çağıracaq.
Ucnoqta.az bildirir ki, Reuters bu barədə Milli Yol Hərəkəti Təhlükəsizliyi Administrasiyasının (NHTSA) məlumatlarına istinadən məlumat verir.
Agentliyin məlumatına görə, geri çağırılma "Ranger" pikaplarına aid ediləcək. NHTSA günəş qoruyucusunda və dam örtüyündəki naqil qoşqularının düzgün yerləşdirilməməsini, eləcə də izolyasiya problemlərini qeyd edib. Bu, naqillərə zərər verə və qısaqapanmaya səbəb ola bilər.
Agentliyin məlumatına görə, "Ford" dilerləri naqillərdəki zədələnməni yoxlayacaq və proqram təminatını yeniləyəcəklər. Lazım gələrsə, naqil qoşquları dəyişdiriləcək.