Estoniya Müdafiə Qüvvələri hava məkanının pozulması hallarına cavab tədbirləri həyata keçirmək üçün planlaşdırılmamış təlimlərə başlayıb.
Ucnoqta.az-ın məlumatına görə, Dövlət yayımı ERR xəbər verir ki, manevrlərə Rusiya pilotsuz təyyarələrinin Polşanın hava məkanını pozduğu iddia edilən insident səbəb olub.
Təlim zamanı hərbçilər radardan istifadə etməklə hava vəziyyətini izləyəcəklər. Ölkənin şərqində təyyarələrin uçuşları müvəqqəti məhdudlaşdırılacaq, hava hücumundan müdafiə bölmələri yüksək hazırlıq vəziyyətinə gətiriləcək. Hərbi qulluqçular və “Kaitseliit” adlı könüllü hərbiləşdirilmiş dəstənin üzvləri üçün paralel təlimlər keçirilir.
Estoniya Müdafiə Qüvvələri Komandanlığı bildirib ki, hazırda ölkə üçün heç bir təhlükə yoxdur.