Polşanın Lubraniets şəhərində minik avtomobilinin turist avtobusu ilə toqquşması nəticəsində azı 13 nəfərin xəsarət alması ilə nəticələnən qəza baş verib.
Ucnoqta.az xəbər verir ki, bu barədə BELTA agentliyi məlumat yayıb.
Məlumata görə, xəsarət alanlardan ikisinin vəziyyəti ağırdır. Onlardan biri vertolyotla Plokdakı xəstəxanaya, ikincisi isə Vloclawekə aparılıb.
Avtobusda 17 nəfər olub.
İlkin ehtimala görə, avtomobil avtobusun yan tərəfinə çırpılıb və nəticədə avtobus aşıb.
Hazırda araşdırma aparılır.