Braziliyanın şimal-şərqindəki Seara əyalətinin İtitinqa bələdiyyəsində iki təhlükəli cinayətkar qadın paltarı geyinərək həbsxanadan qaçmağa çalışıb.
Ucnoqta.az xəbər verir ki, Yerli G1 portalının Braziliya Penitensiar İdarəsinə istinadən verdiyi məlumata görə, insident avqustun 11-də baş verib.
Cinayətkar qruplaşmanın həbsdə olan iki üzvü Fransisko Atila da Silva və Karlos Antonio da Silva Oliveyra çoxlu qadınların da olduğu ziyarətçilərin cəzaçəkmə müəssisəsinə gəldiyi andan istifadə edərək, onların arasında gizlənərək qaçmağa cəhd ediblər.
Cinayətkarlar parik və paltar geyiniblər.
Mühafizəçilər tərəfindən müəyyən edilərək yenidən kameraya aparıldıqları üçün qaçış uğursuz oldu. Bu saxtakarlığa görə məhbuslar daha ağır cəzalandırılacaq.
G1 xəbər verir ki, Fransisko Atila və Karlos Antonio narkotik alveri, quldurluq, qətl və cinayətkar qrupda iştirak kimi cinayətlərə görə həbs olunublar.