Yaponiyada "Dogecoin" kriptovalyutasının simvoluna çevrilən it ölüb.
Ucnoqta.az xəbər verir ki, Şiba İnu adlı itin 17 yaşı var idi. Sahibləri onun onun öldüyünü bildiriblər.
2010-cu ildə Şiba İnun gülümsəyən fotosu məşhurlaşıb. 2013-cü ildə itin bu fotosu mem yaradıcıları Billi Markus və Cekson Palmeri Dogecoin kriptovalyutasını işə salmağa ruhlandırdı.
Dogecoin qismən kripto həvəskarları üçün yüngül bir zarafat olaraq yaradılsa da, bir neçə ildən sonra dəyəri yüksəldi.
Dogecoin, Bitcoin və ya Ethereum kimi bir kriptovalyutadır, lakin bu populyar valyutalardan tamamilə fərqlidir.
"Dogecoin"in rəqəmsal dəftəri bütün yeni əməliyyatlarla daim yenilənir və şəbəkə bütün əməliyyatları təhlükəsiz saxlamaq üçün kriptografiyadan istifadə edir.
Dogecoin ödənişlər və alışlar üçün istifadə edilə bilər, lakin çox effektiv bir dəyər saxlama vasitəsi deyil.
Dogecoin’in cari qiyməti təxminən 0.1577 USD-dir.
