Frensis Bekonun 5 milyon avroluq oğurlanmış tablosu tapılıb

12:49 - 23 May 2024 - DÜNYA

 İspaniya Milli Polisi Madriddə ingilis ekspressionist rəssamı Frensis Bekonun (1909-1992) 2015-ci ildə oğurlanmış tablosunu tapıb.

Ucnoqta.az xəbər verir ki, bu barədə krallığın hüquq-mühafizə orqanlarının məlumatında deyilir.

Məlumata görə, tablonun qiyməti təxminən 5 milyon avrodur. 2015-ci ildə Bekonun İspaniya paytaxtında ümumi dəyəri 25 milyon avro olan beş əsəri oğurlanıb.

Ümumilikdə, istintaq başlayandan bu cinayətdə əli ola biləcək 16 nəfər saxlanılıb. Bundan əlavə, polis itkin düşən beş rəsmdən dördünü tapa bilib. İstintaq hazırda ən son oğurlanmış sənət əsərinin tapılmasına yönəlib.

Frensis Bekon obrazlı rəssamlıq ustasıdır. Rəssamın rəsmləri dünyanın hər yerindən kolleksiyaçılar tərəfindən yüksək qiymətləndirilir. Belə ki, 2015-ci ildə Bekonun “Avtoportret üçün iki eskiz” (1977) diptixi Londonda 22,4 milyon dollara satılıb.///tass

Xəbər xətti