Transfermarkt portalı 2024-cü ilin yaz qiymət yeniləməsindən sonra ən bahalı və ən ucuz futbolçuların adını açıqlayıb.
Ucnoqta.az xəbər verir ki, teytinqlər resursun Telegram kanalında yayılıb.
Ən çox dəyər qazanan “Mançester Yunayted”in 18 yaşlı yarımmüdafiəçisi Kobbi Mainu olub. O, 29 milyon avro bahalaşıb və indi 35 milyona qiymətləndirilir. Reytinqdə ikinci yeri “Barselona”nın 17 yaşlı müdafiəçisi Pau Kubarsi (1,5 əvəzinə 25 milyon) tutub. İlk üçlüyü “Bavariya”nın 19 yaşlı yarımmüdafiəçisi Aleksandr Pavloviç tamamlayıb (2 milyon əvəzinə 25 milyon).
Ən ucuz futbolçu isə “Bavariya”nın müdafiəçisi Coşua Kimmix olub, o, 15 milyon dəyər itirib və hazırda 60 milyona başa gəlir. Onun ardınca hər biri 10 milyon avro itirən 19 oyunçu var.
Ən bahalı futbolçular siyahısında birinci yeri hücumçular Erlinq Holland, Cud Bellinqhem və Kilian Mbappe bölüşürlər. Onların dəyəri 180 milyon avro qiymətləndirilir.
