Azərbaycanda iki məşhur klinika - “Baku City Hospital” və “Türk-American Medical Center” satılıb. Hər iki klinikanın yeni sahibi tibbi media və biznes təşkilatçısı, politoloq, "Səhiyyə TV"nin təsisçisi, Azərbaycan Əczaçı Sahibkarlar Assosiasiyasının rəhbəri Azər Xudiyevdir.
Məlumata görə, A.Xudiyev “Baku City Hospital”ı 8 milyon manata alıb. Sahibkar dəyişilsə də, hospitalın əvvəlki sahibi, ortoped-travmatoloq Bayram Qorçiyev baş həkim kimi vəzifəsində qalıb.
Ucnoqta.az Referans.az-a istinadən Azərbaycanda iki məşhur klinikanı satın alan Azər Xudiyevin dosyesini təqdim edir:
Azər Xudiyev İbrahim oğlu— tibbi media və biznes təşkilatçısı,politoloq. SƏHİYYƏ TV-nin təsisçisi, Azərbaycan Əczaçı Sahibkarlar Assosiasiyasının rəhbəridir.
Azər İbrahim oğlu Xudiyev 15 noyabr 1980-ci ildə Bakı şəhərində ziyalı ailəsində dünyaya gəlib. Bakı şəhər 42 saylı orta məktəbini bitirib. Azər Xudiyev Azərbaycanda tibbi jurnalistikanın əsasını qoyub. Onun rəhbərliyiylə ixtisas həkimləri jurnalistika tariximizdə ilk dəfə gündəlik televiziya proqramlarının aparıcısı olub, tibbi proqramların dominant olduğu 24 saatlıq efir proqramı qurulub. Azər Xudiyevin səyləri nəticəsində Azərbaycanda 2020-ci ildə ilk onlayn tibbi televiziya və ilk onlayn klinika fəaliyyətə başlayıb.