Sumqayıtda ailə münaqişəsi zəminində bıçaqlanma hadisəsi baş verib.
APA xəbər verir ki, hadisə bu gün səhər saatlarında qeydə alınıb. 36 yaşlı Mehman Əkbər oğlu Rüstəmov həyat yoldaşı, 43 yaşlı Elmira Aydın qızı Məmmədovanı bıçaqlayıb. E. Məmmədova çoxsaylı bıçaq xəsarətləri ilə Sumqayıt şəhər Təcili Tibbi Yardım Xəstəxanasına yerləşdirilib.
M. Rüstəmov da münaqişə zamanı yüngül xəsarət alıb, ona tibbi yardım göstərilib.
Fakt üzrə araşdırma aparılır.