Səudiyyə Ərəbistanı Futbol Federasiyası Beynəlxalq Futbol Federasiyasına (FİFA) 2034-cü ildə keçiriləcək dünya çempionatına ev sahibliyi etmək üçün ərizə təqdim edib.
Ucnoqta.az xəbər verir ki, bu barədə federasiyanın mətbuat xidməti məlumat yayıb.
"Bu, rəsmidir! Biz FİFA-ya 2034-cü ildə keçiriləcək futbol üzrə dünya çempionatına ev sahibliyi etmək niyyəti ilə bağlı məktub göndərmişik. Bu, 70-dən çox FİFA üzvü olan assosiasiyadan dəstək aldıqdan sonra atdığımız ilk addımdır", - mətbuat xidmətinin bəyanatında deyilir.
Oktyabrın 4-də FİFA 2034-cü il dünya çempionatına ev sahibliyi etmək üçün yalnız Asiya və Okeaniya ölkələrinin namizədliyini irəli sürə biləcəyini açıqlamışdı. 2026-cı il dünya çempionatı ABŞ, Kanada və Meksikada keçiriləcək. 2030-cu il dünya çempionatının əsas ev sahibləri İspaniya, Portuqaliya və Mərakeş olacaq, turnirin açılış matçı Uruqvayda, növbəti iki oyun Argentina və Paraqvayda baş tutacaq.