"Mançester Yunayted"in əfsanəsi Ferdinand komandasının Çempionlar Liqasında "Qalatasaray"a məğlubiyyətini biabırçılıq adlandırıb.
Ucnoqta.az BBC-yə istinadən xəbər verir ki, "Mançester Yunayted"in sabiq futbolçusu Rio Ferdinand Çempionlar Liqasının qrup mərhələsinin 2-ci turunda keçmiş komandasının "Qalatasaray"a uduzmasına münasibət bildirib.
“Burada “Mançester Yunayted” potensialını və müsbət bir şey göstərir – sonra başınızı tutmalısınız. Bu komandanın təşkilatçılığı yoxdur. Bu utancvericidir. Bu, Çempionlar Liqasıdır”, - Ferdinand bildirib.
Qeyd edək ki, Mançesterdəki "Old Trafford" stadionunda keçirilən görüş Türkiyə komandasının 3:2 hesablı qələbəsi ilə yekunlaşıb.