Braziliyalı hücumçu Neymar Fransanın "Paris Sen-Jermen" futbol klubundan Səudiyyə Ərəbistanının "Əl-Hilal" klubuna keçib.
Ucnoqta.az xəbər verir ki, bu barədə “Əl-Hilal”ın mətbuat xidməti məlumat yayıb.
Avqustun 14-də “Foot Mercato” portalı transferin təxminən 100 milyon avro olacağını bildirmişdi. Mətbuatda yayılan xəbərlərə görə, Neymarın Səudiyyə Ərəbistanından olan klubda maaşı ildə təxminən 80 milyon avro olacaq.
31 yaşlı Neymar 2017-ci ildə İspaniyanın "Barselona" klubundan 222 milyon avroya dünya futbol rekorduna görə PSJ-yə keçmişdi.