Bu həftə Böyük Britaniyada III Çarlzın tacqoyma mərasiminə həsr olunmuş 50 penslik xüsusi sikkə dövriyyəyə buraxılır.
Ucnoqta.az xəbər verir ki, bu barədə BBC yazıb.
Kral Sikkəxanası yeni dizaynla 5 milyon sikkə buraxır. Kral Sikkəxanası Kral Çarlzın portretini və nişanlarını əks etdirən Tacqoyma Sikkəsinin "Britaniya tarixindən bir parça istəyən ictimaiyyət üzvləri" arasında məşhur olacağını gözləyir.
Bu, III Çarlzın təsviri ilə buraxılmış sikkələrin ikinci seriyasıdır. Dekabr ayında İngiltərə Bankı kralın təsviri olan sikkə dizaynını təqdim etmişdi. III Çarlzın portretini 2 və 5 funt sterlinqlik sikkələrdə, həmçinin 50p-də görmək olardı.
5 funt sterlinqlik sikkənin dizaynı monarxın qarşıdan gələn ildönümünə həsr olunub. 14 noyabr 2023-cü ildə onun 75 yaşı tamam olacaq.