Paris Saint-Germain klubu "Park des Princes" stadionunun fasadından komandanın lideri Kilian Mbappenin posterini yığışdırıb.
Ucnoqta.az xəbər verir ki, bu barədə “Foot Mercato” məlumat yayıb.
Portal hücumçunun şəklini fasaddan çıxaran işçilərin fotosunu dərc edib.
O da qeyd olunur ki, bəzi Twitter istifadəçiləri Mbappenin futbolkalarının klub mağazasından çıxarıldığını əks etdirən videolar yayımlamağa başlayıb.
PSJ lideri yayda müqavilənin 2025-ci ilə qədər uzadılması variantından istifadə etməkdən imtina edib. Bundan sonra Fransa klubunun rəhbərliyi hücumçunu satmaq və ya yenə də yeni müqavilə imzalamaq üçün ona təzyiq göstərməyə başlayıb.