Çexiya Xarici İşlər Nazirliyi Rusiyadan 2,4 milyon dolların qaytarılmasını tələb edir
Ucnoqta.az RİA Novosti-yə istinadən xəbər verir ki, Çexiya Xarici İşlər Nazirliyinin diplomatik xidməti pulun qaytarılması üçün Rusiyaya qarşı Praqa məhkəməsinə iddia göndərib.
Çexiyanın məlumatına görə, son üç ildə əsassız varlanma nəticəsində Rusiya 53 milyon krondan (2,4 milyon dollar) çox pul alıb.
“Biz təsdiq edə bilərik ki, Xarici İşlər Nazirliyinin maliyyələşdirdiyi bir təşkilat olan diplomatik xidmət bu gün Rusiya Federasiyasına qarşı Praqa Şəhər Məhkəməsində iddia qaldırıb. İddia son üç il ərzində 53 milyon krondan çox olan əsassız varlanmanın qaytarılmasına aiddir”, - deyə xarici işlər naziri Yan Lipavski bildirib.
O, əlavə edib ki, Çexiya Rusiya nümayəndələrindən əvvəlki məhkəməyə qədər müraciətlərə hələ ki, rəsmi cavab almayıb.